NAGA CITY- Dae na naitago pa ni Camarines Sur Governor Migz Villafuerte an saiyang kaugmahan asin pagiging proud sa saiyang Filipina-British girlfriend na si Rachel Peters makalihis na koronahan ini komo Bb Pilipinas-Miss Universe.
Nagpost an joven na gobernador sa saiyang social media account kun saen pigbati kaini an saiyang girlfriend sa nakua kaining trayumpo sa katatapos pa sanang prestihiyosong beauty pageant.
Sigon ki Villafuerte, proud siya kan mahiling an saiyang girlfriend na nakasulot nin korona asin nakua pa kaini an Miss Universe-Philippines title.
Enot pa kaini, sinaysay man ni Camarines Sur Vice Governor Ato Peña na tatawan ninda nin sarong hero’s welcome an Bicolana beauty queen sa oras na magpuli na ini sa probinsya urog na sa saiyang hometown sa banwaan nin Canaman.
