NAGA CITY– Pinara ngunian kan mga otoridad an paghandal kan publiko sa posibilidad kan pagkakaigwa nin tsunami makalihis an pagtama kan magnitude 8 na linog sa parte kan Mexico.
Sa ibong ini kan nagpapadagos na Traslacion Procession sa ciudad nin Naga.
Inabisuhan man an publiko urog na an naka-istar sa mga coastal areas na magtinir na nakaalerto asin kalmado sa anumang mga updates gikan sa mga ahensya kan gobyerno katakod kan posibilidad na tsunami.
Napag araman na kabale an probinsya kan Camarines Sur sa mga lugar na pinapaalerto ngunian kan mga otoridad.
Meintrastanto, nagpapadagos pa man ngunian an pagdagsa kan mga deboto ni Nuestra Señora de Peñafrancia sa ciudad nin Naga na maiba sa Traslacion Procession.
Ribu- ribo na man na mga deboto an nasa ciudad nin Naga katakod kan nasambitan ng aktibidad.
