Nangangapudan si Manila Archbishop Jose Cardinal Advincula na tapuson na an inaapod niyang “mayu nin saysay na mga giyera” sa Middle East sa saiyang mensahe sa Semana Santa.
Sa saiyang pahayag, inutro kan Kardinal an pangapodan ni Papa Leo XIV para sa katoninongan sa tahaw kan padagos na tensyon sa pag-ultanan kan Iran, Estados Unidos, asin Israel na nagpoon kan nakaaging bulan.
Sinabi ni Advincula na an Pasko nin Pagkabuhay sarong “bakong madahas na pakikipaglaban laban sa pagkaongis.”
Idinoon kaini na mantang an mga drone asin missile nagtatanyog sa daga, an pagkabuhay liwat ni Jesus iyo an tunay na bareta na kaipuhan kan kinaban tanganing taposon an pagsakit asin pagkawasak.
“Let us not diminish the Resurrection of the Lord to mere sentimentality and routine greetings… It is a call to resistance – to push back against the forces that ruthlessly seek to bury our joy and our future,” pahayag ni Archbishop Advincula.
Idinagdag kan Arsobispo na an Semana Santa sarong pangapodan na labanan an mga pwersa na gustong “ilubong an satong kaogmahan asin ngapit.”
Nangapudan man an Arsobispo sa mga Pilipino na isikwal an inaapod na “globalization of indifference” asin an garo normalisasyon kan genocide sa manlaen-laen na parte kan kinaban.
Magigirumduman na sa saiyang homiliya kan Biernes Santo, tinawan man nin importansya kan Cardinal an epekto kan iriwal sa Middle East sa mga Pilipino, partikular na sa mga Overseas Filipino Workers (OFWs) asin an paglangkaw kan presyo kan lana sa nasyon.
An Kardinal nagtapos sa sarong pamibi na an panahon na ini magserbing oportunidad na “ibalik an mga gapo” nin pang-aapi asin akoon an sarong bagong aldaw nin paglaom.
“Let us not waste the sacrifice and offering of Jesus on the cross… May our celebration of this Easter Season be an opportune time for all of us to roll away the stones that have long oppressed us and to welcome the new day of hope that the Lord has created for us,” pahayag ni Archbishop Advincula.
