Nagpagiromdom an Catholic Bishops’ Conference of the Philippines (CBCP) sa mga vendor na dae magbenta sa laog kan bakuran kan Simbahan kasunod kan viral video kan mainit na argumento sa tahaw kan sarong padi asin nagpapabakal kan palaspas sa St. Francis of Assisi Parish sa Cainta, Rizal kan nakalihis na Domingo nin Palaspas, Abril 13.
Sinaysay ni CBCP Commission on Public Affairs Executive Secretary Fr. Jerome Secillano, na itatao kaini an “benefit of the doubt” sa padi na nasa video na garo anggot sa sarong paratienda.
Dae man soboot patas tanganing husgahan an sarong tawo base sana sa halipot na clip orog na asin kulang an konteksto.
Posibleng mag-abot na sa puntong ito huli sa pauru-utro na naghapot nin marhay an padi. Sigun pa digde na igwang mga tawo na talagang matagas an payo.
Kan haputon kun dapat ba na magsagibo nin imbestigasyon, sinaysay ni Fr. Secillano na dae na kaipuhan huli ta ini an sarong sadit na insidente sana na pinalala pa huli ta ini an nagin viral.
Dugang pa kaini na dae man na basta-basta na sana susugudon kan padi asin hahampangon an mga tawo.
Piglinaw man ni Secillano na dae pinagbabawal an pagpapabakal. Pigtutugotan soboot an mga ini na magbenta bako sana sa laog kan bakuran kan Simbahan.
