Nagpakol sa panibagong rekord na 107,677 an bilang kan mga indibidwal na may edad 100 pataas sa Japan ngonyang taon, segun sa Ministry of Health, Labour and Welfare.
Ini an ika-56 na magkasunod na taon nin paglangkaw kan bilang kan mga centenarians sa nasyon, na haros 88 porsyento kaini mga babae.
Ipinaghambog kan gobyerno na an mga tawo kaiyan nabubuhay nin mas halawig huli sa advanced na medisina, marahay na pagkakan, asin aktibong estilo nin pamumuhay.
Alagad, an krisis demograpiko kan Hapon padagos na naggagrabe mantang an populasyon marikas na naggugurang asin an bilang nin mga namundag nagbaba sa pinakahababang lebel.
Sa presente, haros tolo sa sampulong residente sa Hapon an edad 65 pataas, asin an kabilangan na ini linalaoman na maabot sa 40 porsiento pag-abot nin 2070.
Ini nagtatao nin mayor na angat sa ekonomiya huli sa kakulangan nin mga trabahador na nagpopondo nin mga pensyon, pag-ataman sa salud, asin serbisyo sosyal para sa mga gurang.
Dawa ngani an gobyerno nag-iimplementar nin mga insentibo asin tabang pinansyal para sa mga pamilya, an padagos na pagbaba kan populasyon kan Hapon nagdadanay na peligro sa saiyang pundasyon sa ekonomiya.
