TINAWAN -DOON ni Senador Panfilo “Ping” Lacson na dapat suboot nagsagibo an COA nin mas hararom na pagsiyasat sa paggamit nin mga alyas, kabali na an pag-inspeksyon sa vault na pinagbubugtakan nin classified information, sa pag-audit kaini sa paggamit kan confidential funds.
Sigun ki Lacson, nakasaad sa Joint Memorandum Circular No. 2015-01 an mga proseso para sa pag-inspeksyon sa vault kun sain nakabugtak an classified information, kabali na an pagberipika kan tunay na pagkakabistuhan kan mga tawong naggagamit nin nin alyas sa mga dokumento.
Sinabi ni Lacson na mahalagang maisihan kan COA kun siisay an mga totoong tawo sa likod kan mga alyas na nagluwas sa acknowledgment receipts, arog kan “Mary Grace Piattos,” “Patty Ting” asin “Andy Lim.”
Sigon sa Senador, puwedeng maggamit nin alyas sa mga dokumentong may koneksyon sa confidential operations, alagad dapat igwa pa man nin paagi tanganing matukoy asin ma-verify kan COA an tunay na pagkakabistuhan kan mga indibidwal na nagpirma sa acknowledgment receipts.
Ipinunto man ni Lacson na dapat man sana nasa laog kan sealed envelope an tunay na pangaran kan taong naggamit nin alyas asin dapat pirmado ini, habang an mga dokumentong ini nakabugtak sa secured vault kan ahensya.
Kinuwestiyon man kan senador kun paano nakapag-verify an COA kan confidential fund transactions kun dai man lamang kaini aktuwal na na-inspeksyon an vault asin nagdepende sana sa paper audit.
Kasabay kaini, binanggit ni Lacson an COA Circular No. 2020-005 na nagtatakda suboot kan proseso para sa fraud audit investigation.
Sigun pa sa senador, puwedeng magsagibo nin fraud audit investigation an COA kun may impormasyon na nagpapahiling na posibleng may nagin fraud, na puwedeng magin parte kan proseso pasiring sa posibleng criminal case.
Mientrastanto, sinabi ni Lacson na dapat man haputon kun taano na dai nagsagawa an COA nin fraud audit investigation sa ibong kan mga impormasyon na nagluwas sa pagsiyasat sa confidential funds.
Sa impeachment trial kan nakalihis na semana, iminungkahi na kan senador an pag-amyendar sa Joint Memorandum kan COA huli ta kulang ini sa malinaw na detalye kun sain ginamit an confidential funds.
Kan haputon manungod sa obserbasyon na may ibang senator-judge na garo may pagkiling sa impeachment trial, dai ini nagtao nin komento manungod sa mga aksyon kan saiyang mga kasamahan.
Sinabi kan senador na bilang sarong senator-judge, iiwasan niyang husgahan an mga ginibo o paninindigan kan iba pang miyembro kan Impeachment Court.
Tinawan-doon kan senador na mahalagang siyasaton nin marhay kun ano pa an ibang mga lakdang na ginibo kan COA apwera sa pagsusuri kan mga dokumentong ipinasa para sa audit.
