Pigtuyaw kan Commission on Audit (COA) an Department of Health (DOH) makalihis na manutaran an mga expired, asin harani ng mag-expired na mga bulong na nagkakantidad nin P34.8 milyon na pwedeng masayang na.
Kaibahan digde an pirang inventories na nagkakantidad nin P99.4-M na nanutaran kan mga auditors kan Commission on Audit (COA).
Sa annual report kan Commission on Audit (COA) sa Department of Health (DOH) kan 2024 na sa resulta kan saindang mga inventory reports asin resulta kan inventory counts sa mga Centers for Health Development and Operating Units nagluwas na an mga bulong asin pirang medical supplies na nagkakantidad nin P34.8-M na dae nagamit antes pa man ini maraot.
An nasambitan ng mga bulong na nanutarang nasasayang iyo an gikan sa mga lugar kan Metro Manila, Ilocos Region, Calabarzon, Western Visayas, Central Visayas, Eastern Visayas, Zamboanga Peninsula, Davao Region asin sa Bangsamoro Autonomous Region in Muslim Mindanao (BARMM).
