Liwat na pighurot kan Commission on Elections (COMELEC) na dae pwedeng italaga sa anumang posisyon sa gobyerno an mga nadaog na kandidato sa Eleksyon 2025 sa laog kan sarong taon makalihis an halalan.
An pahayag na ini ni COMELEC Chairman George Erwin Garcia makalihis mag-post sa social media an sarong nadaog na lokal na kandidato gikan sa Laguna nin mga ladawan kaiba an nagkapirang opisyal kan gobyerno, kalakip an pasasalamat sa pagtatao sa saiya nin pagkakataong makapagsirbi liwat.
Liwat man na pagirumdom ni Garcia na malinaw an nakabugtak sa Konstitusyon asin sa Election Code dapit digde.
Buot sabihon, mahigot na ipinagbabawal an dawa na anong appointment sa gobyerno sarong taon pagkatapos kan eleksyon.
Dugang pa ni Garcia na mayong kandidatong nadaog sa arin man na halalan an pwedeng italaga sa arin man na posisyon sa gobyerno, o sa mga government-owned or controlled corporations (GOCCs), o arin man sa saindang mga subsidiary, sa laog kan sarong taon gikan sa eleksyon.
Posibleng manimbag sa kasong kriminal, administratibo, asin sibil an mga mabalgar, kabali na an mga matakda nin appointment.
