Pupugulan kan Commission on Elections (COMELEC) an salang paggamitk kan Artificial Intelligence (AI) asin troll farms sa 2025 midterm elections.Ini an pigpahayag ni COMELEC Chairman George Garcia.
Sigun ki Garcia, naglatag na an COMELEC nin mga panundon tanganing purbaran na i-regulate an AI, deep fakes, soft fakes, asin iba pang mga programa. Dugang pa ni Garcia, dae kaini dagusang ipagbabawal an paggamit kan AI huli ta magayon man ini enkaso nagamit nin marhay.
Naglalom man an komisyon na an paggamit kan panundunan an mas mapaparekas sa kahurutan sa social media platforms na halion an amalicious information o news o fake news.
Kasabay kaini, pigsaysay man ni Garcia na maiparehistro an mga account kan mga kandidato na saindang gagamiton.
Alagad, sisiertuhon man ninda na mapapadusahan an mga mapatotoohang nakagibo nin salang impormasyon asin fake news.
