Pigbuyagyag kan Presidential Anti-Organized Crime Commission na an connecting flights sa deportation kan mga nadakop na Philippine Offshore Gaming Operators an kawsa soboot sa pagtakas kan pira, pag-abot sa ibang nasyon.
Ini an pigkumpirmar mismo ni Spokesperson Winston Casio kan nasambitan ng komisyon sa saiyang nagin pahayag sa sarong forum na pigganap kasuodma, Pebrero 22, 2025.
Soboot, an gibuhon kaya kan mga napapa-deport na foreign nationals, orog na partikularmente sa mga intsik, makalihis maglupad kan eroplano gikan sa nasyon an dae nagdidiretso sa masunod na flight na iyo man mahatod pasiring sa destinasyong nasyon.
Huli digde, pighurot kan nasambitan ng tagapagtaram na dae na ninda ini tutugotan na mangyari pang liwat asin sinaysay kaini na tulos pag-blacklist asin deportation an saindang ipapataw sa mga madadakop pang sangkot sa iligal na gibuhon.
Dugang pa digde, pigheras man ni Spokesperson Winston Casio na siring man kaini an nangyari sa mga Indonesian na ipina-deport asin napag-araman pang nagbalyo sa Cambodia tanganing duman ipadagos an iligal na operasyon.
Huli digde, kaibahan na ngunyan an mga personahes kan Presidential Anti-Organized Crime Commission kada magkakaigwa nin mga deportation sa mga naarestar na imbwelto sa iligal na gibuhon.
Mientrastanto, sigun pa sa nasambitan ng tagapagtaram na an koordinasyon man kan China sa sainda an nakatabang tanganing masakote an pirang POGO bosses na nawalat sa Pilipinas.
