NAGA CITY- Gadan an sarong construction worker makalihis mawaran nin kontrol sa pigmamanehong motorsiklo sa Tiaong, Quezon.
Binisto an biktima na si alyas Michael,33-anyos, residente kan Brgy.Lusacan, sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang pigbabagtas ni alyas Michael an kalabaan kan Eastbound Lane kan Tiaong to San Antonio Road, Brgy. Quipot, Tiaong, Quezon kan bigla na sana ining mawaran nin kontrol asin makabudal sa sarong gapo.
Sa inisyal na imbestigasyon kan mga otoridad, napag-araman pa na huli sa kusog kan impact nakabudal pa an biktima sa sarong steel post na nagin rason kan saiyang tolos na kagadanan.
Sa ngunyan, nagpapadagos pa an imbestigasyon kan mga kapulisan dapit sa nasambitan ng insidente.
