Aram baya nindo mga ka-bombo, an contortionist na si Eddie John Browne, o mas bistado komo si “Eddie Flexible”, pigbaluktot an sadiri tanganing mapabali sa Guinness World Records 2026.
An self-taught performer an nakapagrehistro nin duwang pambihirang record.
Enot an most full body revolutions maintaining a chest stand position’ kun saen nagibo kaining mag-ikot nin 38 beses sa laog nin sarong minuto mantang nakadapa an saiyang daghan sa salog.
Panduwa an ‘most consecutive full body revolutions with a backbend handstand’ kun saen naka-handstand man ini mantang nag-iikot nin 21 beses nin sunud-sunod.
Gikan sa pagigin aki na nag-eeksperimento sa saiyang kuwarto sa Sierra Leone sa edad na pito, ngunyan saro na ining performer sa prestihiyosong Cirque du Soleil na nag-to-tour sa North America.
