NAGA CITY – Nagkundusir an Camarines Sur Police Provincial Office nin simulation exercise (SIMEX) mapadapit sa shooting incident sa Brgy. Sta Rosa Del Norte, Pasacao, Camarines Sur.
Sa entrevista kan Bombo Radyo Naga ki PCPT. Liza Jane Alteza, Spokesperson kan CSSPO, sinaysay kaini na an nasambitan ng exercise an saro sa mga lakdang tanganing magin preparado an gabos kan mga kapulisan sa mga posibleng mangyaring insidente sa nagdadangadang na national asin local elections sa Mayo 12.
Dugang pa kaini na sa ngunyan nahihiling kan CSPPO na dapat mahiling na kun ano an mga pagkukulang enkaso magkaigwa kan mga dae piglalaoman na mangyari antes o makalihis an eleksiyon.
Marurumduman kasuarin sana, igwang nangyaring shooting incident sa may banwaan kan Pasacao, Camarines Sur kun saen nagin matrayumpo an nangyaring simulation exercise na pinamayuhan man kan CSSPO kasuodma, Mayo 1.
Sigun pa ki Alteza, pigpartisiparan an nasambitan ng SIMEX kan investigation team kan Pasacao MPS, asin an saindang responding team kun saen ini man pigbilog kan 20 indibidwal.
Alagad, pag igwang siring kan SIMEX, bakong sanang pira an kaipuhan magpartisipar, dapat an gabos na nasa police station kan lugar an dapat magpartisipar digde huli man ta an mga ini an pig-aapod na ma-responde enkaso igwa pang dugang na kaipuhanon na personnel sa sarong area kan insidente.
Mientrastanto, sa ngunyan man na nagdadangadang na eleksiyon mayo pa man soboot naireport sa saindang opisina an anuman death threat o anuman na klase kan threan an mga nagdadaralagan na kandidato sa probinsiya nin Camarines Sur.
Sa ngunyan hagad na sana kan opisyal na sana lambang saro an magin salbado bako sana sa mga krimen magin sa naeeksperyensiyahan na heat index tanganing makalikay sa anuman na kahelangan.
Siring man patanid pa kaini sa publiko na sa mga nagpaplano na magpasiring sa mga karigusan na mag-ingat huli man ta igwang nagkakare-rehistrong sa pagkalamos.
