NAGA CITY- Magpapautob nin curfew hours an barangay council kan Barangay Tamban sa banwaan nin Tinambac, Camarines Sur katakod kan pagdakol nin mga parahabon sa saindang lugar.
Sa entrevista kan Bombo Radyo Naga ki Dominador Jun B. Maño Jr, Barangay Kapitan kan nasambitan ng lugar, sinaysay kaini an mapasar soboot an saindang lado nin sarong executive order na nagsusugo na an gabos na mga estudyante na menor de edad an kaipuhan na nasa laog na kan saindang mga kaharongan tuyong alas 8 nin bangi.
An nasambitan ng executive order an ipapautob antes magbalik-eskwela an mga kaakian.
An nasambitan ng lakdang an huli sa paglangkaw nin kaso kan panghahabon sa saindang lugar na kun saen sana limang indibidwal an pigturn over kan Kapitan sa mga kapulisan para sa magkakanigong kapadusahan.
Katakod kaini, an siisay man na madakop na mabalgar, ipapa-apod an mga magurang tanganing paliwanagan sa ginibo kan saindang mga aki.
Pigtawan duon ni Maño na kaipuhan na madisiplina an mga menor de edad partikularmente an mga estudyante tanganing magin marhay an saindang futuro asin mailikay sa alanganin na sitwasyon.
