Nagbilog si Agriculture Secretary Francisco Tiu Laurel nin sarong technical working group tanganing pag-adalan an posibilidad kan pagkriar nin mga bakuna kontra Foot and Mouth Disease (FMD).
Alagad maski, pigbibisto an nasyon kan World Organization for Animal Health komo FMD-free nin mayongg vaccination practice puon kan Mayo 2014, nahihiling pa man giraray kan DA an dakulang epekto sa ekonomiya kan huma nin outbreak kan nasambitan ng helang sa hayop.
An Pilipinas an haloy naman na panahon na dae nakapag-inoculate nin mga hayop kontra sa FMD.
An mga baka, orig asin kambing an kabali sa mga hayop sa bukid na marekas na tamaan kan FMD.
An Indonesia, Thailand asin Vietnam an kabali sa mga pagtaraid na nasyon kan Pilipinas na kasuarin sana an nagreport nin mga kaso kan FMD.
Pigtalaga ni Tiu Laurel si Assistant Secretary for Swine and Poultry Constante Palabrica, sarong Doctor of Veterinary Medicine, komo chairman kan technical working group.
An technical working group an magrerekomendar nin mga teknikal na input tanganing masierto an posibilidad kan lokal na paggibo nin mga bakuna kontra FMD.
