NAGA CITY- Posibleng maglangkaw an presyo kan sugok sa mga merkado kasabay kan pagpupuon nin SY 2024 – 2025.
Sigun ki DA Spokesperson Assistant Secretary Arnel de Mesa, kadalasang nangyayari ini huli sa paglangkaw nin demand sa sugok asin piglalaoman na mapadagos an halangkaw na demand hasta sa ‘ber’ months.
Basado sa monitoring kan DA-Bantay Presyo, nagpapakol na sa P5.50 hasta P9 an kada pidasong presyo kan medium-sized na sugok sa Metro Manila. Sigun ki De Mesa, posibleng malangkaw an nasambitan ng presyuhan puon 10% hasta 20%.
Sa ibong kaini, pigsaysay man ni Philippine Egg Board Association president Francis Uyehara na nagpuon na kan nakalihis na bulan an paglangkaw nin presyo kan mga sugok sa mga merkado.
Sigun sa opisyal, parte ini kan “third quarter syndrome” o an panahon kan kadakol na mga nagkakahelang na manok kun saen kadakol na mga layer an nagagadan asin dagusan ng nagbaba an populasyon kan mga ini. Mientrastanto, magpapadagos-dagos soboot ini hasta sa holiday season.
