Pinaluwas na kan Department of Budget and Management an kabilugang P3.681 billion tanganing pondohan an libreng Wi-Fi program sa bilog na Pilipinas.
An pondo itinao sa Department of Information and Communications Technology tanganing masusteniran an implementasyon kan Free Public Internet Access Program (FPIAP).
Piglalaoman na igwa nin total na 13,462 na mga access point sites sa manlaen-laen na lugar sa bilog na nasyon an makikinabang sa pondong ini.
Parte kan siring na programa an pagtogdok asin pagmantenir kan imprastraktura kan ICT siring kan mga data center asin koneksyon sa internet.
Katuyuhan man kaini na mamantenir an koneksyon sa internet sa mga pampublikong lugar siring kan mga eskwelahan, library, parke asin mga sentro nin transportasyon.
