Pig-omaw ni Mamamayang Partylist Rep. Leila De Lima an pahayag ni Presidente Ferdinand Marcos Jr na papanimbagon an mga nasa likod na mga palpak asin ghost flood control projects sa manlaen-laeng parte kan nasyon.
Sa entrevista kan Bombo Radyo ki DeLima saiyang sinaysay na gustong gusto kaini an nagin pahayag na Presidente huli ta bilyong bilyon na pondo an nawawara asin mga kaharungan an nagsasakripisyo sa kada igwa nin kalamidad.
Duon ni De Lima nagkakanigo sana na mapanimbag an mga mayong kunsensiyang mga opisyal na nakikipag sabwatan sa mga kontratista tangani sana makapag kupit nin kwarta.
Dae na man masabi ni De Lima na pasado o bagsak an report sa taon kan Presidente kun igwa ining magayon na sinabi.
Duon pa kan lehislador, nagkapira kaya sa mga pig-orgulyo kaining programa an kaipuhang i-fact check muna siring kan pinahewas na serbisyo kan PhilHealth asin iba pa.
Dugang pa kan lehislador, nakukulangan man ini sa nagin durasyon kan SONA kan Presidente.
Pag asegurar ni DeLima na komo miyembro kan minority magigin fiscalizer ini asin masurog sa tama asin ipagpauktaba an nararapat.
Mientrastanto, pigbubusol man ni Rep. De Lima an sarong resolusyon na lobhetong bukasan sa publiko an bicam sa pagtukar sa pambansang budget.
Soboot panahon na tangani gibuhon ini huli ta napagaraman na kadakol na mga anomalya an nangyayari sa Bicameral conference orog na an mga insertions.
An pahayag ni De Lima an kasunod kan huma ni Presidente Marcos na dae kaini titintaan an 2026 National budget kun dae ini naka angkla.
