Desidido si Senate Committee on Public Order and Dangerous Drugs Chairman Senador Ronald “Bato” dela Rosa na isunad liwat an propwestong ley na obhetong ipautob an death penalty para sa mga high-level drug traffickers sa tahaw kan liwat na paglangkaw man mga karumal-dumal na krimen sa nasyon.
Aminado si Dela Rosa na dipisil makalusot an saiyang propwestong ley huli man sa kontrobersyal alagad kumbinsido soboot ini na sa oras na makalulusot an bill, masirbing solusyon ini sa problema na pigkakaatubang kan nasyon.
Binanggit man kan senador an kansuarin sanang kidnapping incident kan 14 anyos na Chinese student sa Taguig City kun saen pinutulan nin muro kan salarin.
Pig banggit man kan senador an kaso sa Cebu kun saen ginadan kan sarong lalaki, na nasa irarom kan impluwensya kan iligal na droga, an saiyang agom asin man duwang aki, magin man an mga kaso kan 3 anyos asin 80 anyos na parehong nilugusan asin ginadan.
Hurot pa ni Dela Rosa, dae madadaog an kampanya sa iligal na droga sa padisente-disente approach.
Para soboot saiya, kaipuhan talaga nin kamot na bakal tangani masawa an mga krimen na ini. Dugang ni Dela Rosa, dae na takot an mga kriminal na madakop nin huli ta dawa nakakulong na man sinda ay dae pa man giraray takot na magkakaso huli ta konbiktado asin salbado pa sa laog kan bilibid.
