Nangapodan an Department of Education (DepEd) sa mga magurang asin stakeholders na pakusugon an Literacy asin nutrisyon tanganing labanan an kawalan kan kakayanang magbasa asin magsurat.
Sigun sa sarong pag-aadal, importante an nutrisyon, suporta kan pamilya, asin komunidad sa pagkanood kan mga kaakian, kaya piglunsar kan DepEd an mga programa siring kan Bawat Bata Makakabasa (BBMP) asin School-Based Feeding Program (SBFP).
Pigtawan-duon man ni Presidente Bongbong Marcos Jr. an papel kan mga magurang sa pagbasa sa saindang mga aki, na sarong importanteng lakdang sa edukasyon.
Sa Cebu, pigbusol an “Alimbukad: Basa Pamilya” tanganing enkaminaron an pagbabasa sa harong, mantang sa bilog na nasyon, pinakusog an programa tanganing masiertong igwang bastanteng nutrisyon an mga estudyante.
Sa tabang kan manlaen-laen na sektor, obheto kan DepEd na gibuhong mas inklusibo asin mas matibay an sistema kan edukasyon sa Pilipinas.
