Ipinahayag kan tagapagtaram kan depensa na si Atty. Michael Poa na mayo sindang pagkontra sa tulong itinalagang amici curiae na gabos mga dating Chief Justice asin Associate Justice.
Segun ki Poa, nagin bukas asin consultative an impeachment court sa mga suhestiyon kan mga partido kaya mayo sindang nahihiling na problema sa pagpili kan magigin mga amici curiae.
Kasabay kaini, sinabi ni Poa na posibleng pag-ulayan kan mga Amici Curiae an mga pagbabago sa halaga kan assets ni Bise Presidente Sara Duterte, kaiba an magkakalaen na figures sa saiyang mga financial records.
Alagad, dai pa daa makakapagtao nin seguradong pahayag an depensa huli ta hinihintay pa ninda an mga ebidensyang ilalatag kan prosekusyon manungod sa article II o unexplained wealth.
Idiniin ni Poa na makakatabang an mga Amici Curiae tanganing magkaigwa nin mas malinaw asin mas hararom na pagkasabot sa mga isyung legal na imbuelto sa kaso, orog na ta dakol nang magkakalaen na opinyon manungod digdi, kaiba sa social media.
