Pigluluto na ngunyan an posibleng military partnership kan Pilipinas asin nasyon kan Canada sa irarom kan Visiting Forces Agreement.
Ini an pigkompirmar kan pamayuhan kan Department of Foreign Affairs kasuodma, Pebrero 12.
Sigun sa ahensiya, an ulayang ini sa tahaw kan duwang nasyon an importante huli ta natapos na man an naenot na Memorandum of Understanding para sa defense cooperation sa sa tahaw kan Pilipinas asin Canada kan nakalihis na Enero 9, 2025.
Sigun sa DFA, makakatabang an SOVFA sa pagpapararom sa bilateral defense relations kan duwang nasyon.
Mapapatatag man kaini an haloy nang pagigin mag-amigo kan Pilipinas asin Canada.
Enot nang nagselebrar an Pilipinas asin Canada kan saindang ika-75 years of diplomatic relations kan nakalihis na taon.
Katakod kaini, pig-sierto kan Department of Foreign Affairs na orog pang pamamarayon kan saindang ahensiya an defense capabilities magin an pakikipag-koordinar kan Pilipinas sa iba pang key defense partner kaini.
