Nangapudan si Interior Secretary Jonvic Remulla sa mga magurang na pagirumdan an saindang mga kaakian na dae mag-iba sa “gangsta” group na pupwedeng magkawsa nin kariribukan kasabay kan tolong aldaw na rally kan Iglesia ni Cristo (INC) na mapuon sa Domingo, November 16.
Nagpatanid an sekretaryo na aarestuhon an mga maplano na mangribok.
Pigtawan-duon ni Remulla, pigbibisto ninda an pangapudan kan INC para sa katotohanan, paninimbagan asin hustisya—an tingog asin kurahawa kan kada Pilipino.
Alagad trabaho ninda na imantinir an kaayusan asin katuninogan.
Naenot nang nagpatanid si Remulla kontra sa pagtitipon-tipon sa Mendiola asin sa palibot kan Malacañang na mayong magkakanigong permit.
An nasambitan ng patanid an kasunod naman kan kariribukan na nagbungkaras sa Ayala Bridge asin Mendiola sa nangyaring anti-corruption rallies kan Sept. 21.
