NAGA CITY- Nagpatanid si DILG Secretary Benhur Abalos na makukulong asin makakasuhan an isay man na mga opisyal kan barangay na mapapatotoohang embwelto sa pag-areglo kan mga kasong igwa nin kinaaraman sa pag-abuso sa mga aki online man ini o aktuwal.
Sa press briefing sa malakanyang, tinawan-duon ni abalos na dae dapat pig-aareglo kan barangay an siring na mga klase kan kaso huli ta saro ining magabat na krimen kontra sa mga aki.
Karaniwan kaya soboot dae nakakaabot sa mga otoridad an mga kaso kan online sexual abuse sa mga aki huli sa barangay pa sana pig-aareglo na sa tabang pa mismo kan mga opisyal kan barangay, kaya dae napapanimbag an nasa likod kan krimen.
Huli digdi, sinaysay ni abalos na kapag nakaresiber nin reklamo kan pang-aabuso sa mga aki, dae na dapat pang magduwang isip digdi an mga taga barangay, kundi dapat tolos na I-endorso sa pulis tanganing digdi mapuonan an proseso kan imbestigasyon asin pag-usad kan kaso.
