Lininaw ni Interior Secretary Jonvic Remulla an saiyang nakaaging pahayag manungod sa paghalughog sa mga harong kan mga kagsadiri nin badil sa nasyon.
Segun sa Secretary, dae na kaipuhan nin search warrant para magibo ini.
Idinagdag pa kaini na an mga kagsadiri nin badil kaipuhan na magpirma nin mga waiver na sinda minaoyon na togotan an mga pulis na magbisita sa lugar kun saen itinatago an badil.
Katuyuhan kaini na maseguro na ligtas an lugar kun saen ninda tigtatago an saindang mga armas asin dae ini madaling maabot kan mga menor de edad.
Advertisement
Magigiromdoman na sa nagkapirang insidente nin pambabadil sa eskwelahan, an mga menor de edad madaling nakalusot nin badil kan saindang mga magurang o kaparyentes, kun kaya nagigibo an krimen.
Advertisement
