Sinuspinde kan National Basketball Association (NBA) si Phoenix Suns forward Dillon Brooks makalihis na mairehistro an saiyang ika-16 na technical foul ngunyan season.
Sigun sa panundonan kan NBA, sarong player o coach an otomatikong masususpinde nin sarong kawat nin mayong sahod kun mag-abot na sa 16 an naresebir na technical foul sa regular season.
Sa lambang duwang dugang na technical foul makalihis an ika-16, liwat ipapataw an suspensiyon.
Sa kaso ni Brooks, nag-abot sana ini nin 49 kawat ngunyan na season antes makumpleto an 16 na technical fouls.
An pinakahuri, kan makahampang kan Suns an top-seeded team na Oklahoma City Thunder, kun saen sinda an nadaog sa score na 136-109.
Huli sa suspensiyon, dae makakapagkawat si Brooks sa enot na laban kan Suns makalihis kan All-Star break kontra San Antonio Spurs.
Kapot ni Brooks an career average na 14.8 points per game, 3.3 rebounds per game (rpg), asin 0.9 steals per game (spg).
Ngunyan na season, nag-abot ini sa 21.2 points per game asin igwang impresibong 1.1 steals per game.
