Hinagad ni Senate Ethics Committee Chairperson JV Ejercito kan lunes ki Senador Ronald “Bato” Dela Rosa na magtao nin komento sa panukalang amyendaran an Senate rules tanganing maipautob an “no work, no pay” policy sa mga senador na pirmeng absent sa trabaho.
Segun ki Ejercito, tinukar ini kan Senate Committee on Ethics and Privileges sa saindang pagtiripon asin mayong kinaraman sa mga reklamo laban sa nagkapirang miyembro kan Senado.
Kinumpirma man kan senador na patungkol ini sa prinsipyo nin “no work, no pay.”
Sinabi ni Ejercito na boot nindang itulod an patas na patakaran, kun sain maski mga senador dapat magsunod sa prinsipyo na kun dai nagtatrabaho, dai dapat makaresiber nin suweldo asin allowance.
Segun pa ki Ejercito, si Dela Rosa dai pa nakakaatinder nin sesyon poon pa kan Nobyembre 2025, sa tahaw kan report nasuboot arrest warrant gikan sa International Criminal Court (ICC) asin mayong kinalaman sa War on Drugs.
Kasabay kaini, sinabi man kan komite na apat sa siyam na reklamo an ibinasura huli sa kakulangan sa porma asin nilalaman, mantang an iba ipinagpaliban o naghahalat pa nin dugang na impormasyon gikan sa mga ahensya kan gobyerno.
Piglinaw man kan komite na matiner na confidential an saindang mga hearing.
