Nakabwelta na sa Pilipinas si dismissed Bamban, Tarlac Mayor Alice Guo makalihis ining maarestrar sa Tangerang City, Jakarta, Indonesia.
Pig-ibahan ini ninda Department of the Interior and Local Government (DILG) Sec. Benhur Abalos Jr. asin Philippine National Police Chief Rommel Marbil.
Bandang ala-1:00 nin mag-oomagahon kan maglapag an piglunadan na private plane ni Guo.
Sigun ki Guo, nakaresiber soboot ini nin death threat sa saiyang buhay kaya ini nagtago sa Indonesia. Ini an saiyang pighayag makalihis ining ihampang ki Abalos makalihis maka-ulay kaini an Indonesian Police sa Jakarta, Indonesia kasuudma.
Katakod kaini, pinagsierto man ni Abalos ki Guo an seguridad kaini sa pagbubwelta sa nasyon basta isabi sana ni Guo an gabos na nasa likod kan mga nag-operar sa POGO operations.
Marurumdoman, Mayo 22, 2024, huring nahiling sa Pilipinas an dating alkalde kan maghampang ini sa Senado dapit sa imbestigasyon dapit sa kaugnayan kaini sa POGO operations. Asin kan premirong semana kan Hulyo, pigsuspinder ini komo alkalde kan kan Bamban, Tarlac. Makalihis ini, nagdulag si Guo, kaibanan sinda Wesley Guo, Shiela Guo asin Casandra Ong. Mantang kan Setyembre 3, 2024, kan arestaron kan Indonesian authorities si Alice sa sarong villa sa Greater Jakarta.
