Nagbilog si DPWH Secretary Vince Dizon nin Technical Working Group (TWG) na masuri sa gabos kan flood control projects antes ini pondohan asin ipautob sa 2027.
Kaibahan sa grupo sinda DENR Undersecretary Carlos Primo David, flood control expert Guillermo Tabios III, asin Project NOAH Executic Director Mahar Lagmay.
Obheto kan TWG na malikayan an mga proyektong mayong marhay na engineering plan, na pigkokonsiderar ni Dizon komo saro sa mga rason kan padagos na pagbaha sa nasyon.
Nagsugo si Presidente Ferdinand Marcos Jr. nin suspensiyon sa gabos kan locally funded flood control projects sa 2026 mantang piglilinig kan DPWH an mga isyu kan korapsiyon asin inefficiency.
Matabang man an TWG sa pagbilog kan 2027 budget plan kan DPWH asin sa pag-aram kan mga istrukturang dapat gabaon kun nakapagpapalala kan pagbaha.
