Nanindogan an Department of Migrant Workers (DMW) na dae pa man tutugutan na ma-deploy sa Kuwait an first-time Overseas Filipino Workers (OFW).
Segun ki DMW Secretary Hans Leo Cacdac, importanteng tawan muna nin tsansa an siring na polisiya tanganing madeterminaran kun gurano ini ka-epektibo.
Enot na piglimitaran ni late Department of Migrant Workers Secretary Susan Ople an deployment kan mga OFW sa Kuwait kasunod kan kontrobersyal na paggadan sa domestic helper na si Jullebee Ranara.
Komo kasimbagan, pigsuspinder kan Kuwaiti government an pag-isyu nin mga visa para sa mga Pinoy worker. Nangyari ini kan premirong parte kan 2023.
Siringman, dagusan ining hinali alagad sulamenteng an mga OFW na igwa nin eksperyensya saa an tinugutan na magpasiring sa Kuwait.
Sa ibong kan limitasyon, halangkaw man giraray an numero kan mga OFWs sa Kuwait, sigun ki Sec. Cacdac. Basado kaya sa datus kan DMW, igwa nin 2,500 Pinoy workers an yaon duman. Nanindogan man si Cacdac na mahaloy pa an polisiya asin posibleng abuton pa nin sarong taon o labi pa antes dagusang halion.
An kamugtakan kan labi sa 2,500 na OFWs na yaon duman sa nasambitan ng bans sigun sa sekretaryo, an presente man na pigmomonitor.
