Mabukas nin bagong round an Department of Energy (DOE) kan green energy auction (GEA-6) na nakapokus sa teknolohiyang biomass, nag-aalok nin total na 160 megawatts (MW) na kapasidad para sa bidding.
Sa kabilugan, 120 MW an itatao para sa stand-alone na pasilidad, mantang 40 MW man an para sa cogeneration na proyekto.,An paghatod kan kuryente hale sa mga proyektong ini nakatalaan sa pag-ultanan kan Hulyo 2027 asin Disyembre 2030.
Segun ki Energy Undersecretary Rowena Cristina Guevara, an Energy Regulatory Commission (ERC) linalaoman na iluluwas an green energy auction reserve price sa Oktubre 1.
Gabos na proyektong biomass na kwalipikado sa Renewable Portfolio Standards (RPS) an pwedeng magbali sa bidding na ini.
Ini parte kan lakop na katuyohan kan gobyerno na palangkawon an porsyento kan renewable energy sa power mix kan nasyon hale sa presenteng 25% pasiring sa 35% pag-abot kan 2030.
