Nanindugan an Department of Energy (DOE) na natawan nin gabos na pagkakataon an lado kan S.I. Power Corporation (SIPCOR) sa Siquijor tangani mapamarhay an saindang mga kinakaatubang na reklamo.
Kasunod kaya ini kan kasuguan na pagpapasarado sa kompaniya na isinapubliko kan nakalihis na Biyernes sana.
Sigun ki Energy Secretary Sharon Garin sa entrevista kan Bombo Radyo, pirang bulan na sindang nakikipag-koordinar sa SIPCOR alagad binalewala an mga direktibang ipinapaabot ninda.
Bulan pa sana soboot kan Mayo, nag atubang na duman an mga representantes kan manlaen-laeng tanggapan kan gobyerno, alagad nagtinir an mga aberya sa power supply kan isla.
Kaya man, dae man masasabi kan kompaniya na ginipit sinda o dae nagkaigwa nin due process.
Para kaya ki Garin, nagpapautob sana sinda nin ley asin gabos, pigtatawan nin kaukulang pagkakataon na gampanan nin tama an saindang lambang mga obligasyon.
Inamin man kan lado kan SIPCOR na pinag-aadalan pa ninda an masunod na lakdang sa irarom kan ley. An SIPCOR an kabali sa Prime Asset Ventures, Inc. (PAVI) na iyong parent entity asin man holding company kan Villar family business interests.
