Piglinaw kan Department of Energy (DOE) an obhetong draft na Department Circular katakod kan integrasyon kan nuclear energy sa power mix kan nasyon, kasabay kan nagdadangadang na pagpasar kan Philippine National Nuclear Energy Safety Act.
Sigun sa DOE, obheto kan prosopwestong polisiya na maglatag nin malinaw, siyentipiko, asin inklusibong dalan pasiring sa energy transition.
Pigsierto kan ahensiya na dae riribayan nin nuclear energy an renewable energy (RE), kun ini an masirbing katuwang tanganing mapatatag an suplay kan kuryente orog na sa hampang kan mga variable na renewable energy siring kan solar asin wind.
Sa pahayag pa kan ahensiya, ini an parte kan Philippine Energy Plan 2023-2050 na nagbubusol kan salbado, diverse, asin sustainable na pinagkukuonan kan enerhiya.
Dugang pa kan DOE na an paggamit kan nuclear, an boluntaryo, asin nasa kamot kan mga distribution utilities an desisyon kun ini technically asin economically viable. Bukas soboot an DOE sa mga opinyon asin suhestiyon kan publiko.
Kaya man sarong public consultation an piglalaomab sa Hulyo 15, mantang nagtitinir na nakatuon an ahensiya sa transparency asin pagsunod sa international standardards sa posibleng paglaog kan nuclear energy sa nasyon.
