Nakapagrehistro an Department of Health (DOH) nin kabilogang 8,171 kaso kan dengue magpuon Hulyo 6 hasta 19 nin presenteng taon.
Bagaman sigun sa ahensiya, mas hababa ini nin nasa 33% kumparar sa nairehistrong kaso sa huring semana kan Hunyo 22 hasta Hulyo 5 na nasa 12,166 na kaso kan dengue.
Pigkokonektar pa man an pagkakatala kan rinibong kaso kan dengue kan mga nakalihis na bulan sa mga magkakasunod na kalamidad na tumama sa nasyon.
Katakod kaini, mahigot na nakabantay an ahensiya sa mga naiirehistrong kaso kan dengue sa manlaen-laeng lugar sa nasyon.
Nagpatanid man an ahensiya na dae magpakampante sa huma kan dengue, tag init man o mauran asin man pinapagirumdom na ugalion isagibo an 4Ts – taob, taktak, tuyo asin takip tuyong alas-kwatro nin pagka hapon tangani mapuksa an mga pinamumugaran kan mga lamok orog na ngunyan na panahon nin tag-uran.
