Piglinaw ni Health Secretary Ted Herbosa na lumang variant kan Mpox an nagtama sa ssrong lalaki sa Quezon City.
Sigun ki Herbosa, nagluwas sa resulta kan Research Institute for Tropical Medicine (RITM) na Clade II variant an nagtama sa lalaki na bako man malala kumparar sa Clade I-B na naeeksperyensiyahan sa Democratic Republic of Congo asin sa kataid na nasyon kaini.
Marurumdoman, enot nang pigdeklarar kan World Health Organization (WHO) an Public Health Emergency of International Concern sa nasambitan ng nasyon nin huli sa nairehistrong 1,800 na kaso. Katakod kaini, nagpatanid man an WHO sa mga health department asin ministries sa kada nasyon na mag-ingat sa bagong varian kan Mpox na Clade I-B.
Alagad maski dae marhay malala an Mpox na naikurit sa ika-sampulong kaso, marhay pa man na magin alerto asin likayan na magkaigwa nin close o physical contact sa mga igwa ninn sintomas kaini.
Apwera digdi, marhay soboot na magpakonsulta tulos sa mga eksperto o doktor enkaso nakaeksperyensiya nin sintomas kan Mpox siring kan skin rashes o mucosal lesions na igwa nin kaibanan na kalintura; pamamaga kan lymph nodes o kulani asin sore throat; pangungulog nin muscle asin back pain siringman an pangungulog nin payo asin hababang enerhiya.
