NAGA CITY- Nagsanib pwersa an Department of Labor and Employment (DOLE) asin Department of Social Welfare and Development (DSWD) tanganing masimbagan an isyu sa kagutuman, kakulangan sa suplay nin tubig asin iba pang suliranin na naeeksperyensiyahan kan vulnerable families sa Pilipinas.
Isinagibo ini basado sa ibinabang mandato sa sainda ni Presidente Ferdinand “Bongbong” Marcos Jr. na magkaigwa nin whole of government approach an nasambitan ng mga ahensya.
Digdi kaya an kinakaipohan na gabos nin ahensya kan gobierno an mag-iribahan asin magtabangang tanganing an saindang mga ilulunsar na mga programa asin proyekto an panghalutan, sustainable asin labing makakatabang para sa satuyang mga namamanwaan.
Kun kaya, nagkasaro an mga ini na magpirma sa sarong Memorandum of Understanding tanganing mas maimplementar kan an DOLE an Tulong Panghanapbuhay sa Ating Disadvantaged Workers (TUPAD) Program, an Project LAWA asin Project BINHI (Local Adaptation to Water Access and Breaking Insufficiency through Nutritious Harvest for the Impoverished Project) kan DSWD sa satuyang nasyon.
Obheto kan TUPAD program na magheras nin paramientras na trabaho sa mga obrerong nasasakitan sa paagi kan pag a-alok sa mga proyektong pang-komunidad mantag an proyektong LAWA sa BINHI man an nakapokus sa pagsimbag kan mga manlaen-laen na kakulangan, partikulamente na sa tubig asin seguridad sa pagkakan.
Mientrastanto, an nasambitan na mga programa soboot an sarong ‘direct intervention’ kan ahensya sa epekto kan El Niño sa nasyon asin siringman an pagpreparar ninda para man sa posibleng kawsa na danyos kan La Niña enkaso mag-abot na an panlalamasa kan bagyo sa Pilipinas.
