Nagkukundusir na nin imbestigasyon an Department of Labor and Employment (DOLE) kontra sa reklamo kan nagkapirang empleyado kan business process outsourcing (BPO) sa Cebu.
Kasunod ini kan pagpirit na pagpapalaog sa mga empleyado sa kasagsagan kan linog.
Sigun sa DOLE na nakipag-tabangan na sinda sa DOLE Region 7 tanganing hilingon an nasambitan ng reklamo.
Mientrastanto tatawan man nin tyansang magpaliwanag kan ahensiya an nasambitan ng kompanya tanganing matawan linaw an reklamo kan nagkapirang empleyado.
Marurumduman, nakaguno nin manlaen-laen na reaksyon gikan sa publiko an nasambitan ng isyu orog na ta labing naapektaran kan nasambitan ng linog an Cebu kun saen igwang nairehistro na binawian nin buhay.
An pagpirit soboot na pagpapalaog sa mga empleyado sa panahon kan sakuna an maikokonsederar na pagbalgar sa saindang derechos komo mga obrero sa nasyon.
Sa ngunyan, pigsierto man kan DOLE na tutukan ninda an dapit sa isyu na ini tanganing malikayan an pang-aabuso sa laog kan pinagtatrabahuhan na lugar.
