Inanunsiyo ng Acting Transportation Secretary Giovanni Lopez ang P1.00 taas-pasahe para sa traditional jeepneys at P2.00 para sa modern jeepneys, kasabay ng pagtaas ng presyo ng langis dahil sa tensyon sa Middle East.
Ayon kay Lopez, ang P14.00 na pasahe para sa unang apat na kilometro sa traditional jeepneys ay kinabibilangan na ng permanenteng dagdag mula sa dating P13.00.
Binanggit ni Lopez na kabilang sa pagtaas ng pasahe ang provincial buses, metro buses, P2P, jeepneys, at airport taxis. Ang bagong singil ay epektibo simula Huwebes.
Ang hakbang na ito ay kasabay ng direktiba ni Pangulong Ferdinand “Bongbong” Marcos Jr. na agad ipamahagi ang P5,000 cash assistance sa mga PUV drivers upang mabawasan ang epekto ng oil price shocks sa kanilang kabuhayan.
