Pigbabantayan na kan mga awtoridad an kalabaan kan Kennon Road kun saen nadukayan an lawas ni dating Department of Public Works and Highways (DPWH) Undersecretary Catalina Cabral, pirang aldaw na an nakakalihis.
Antes na mag-Pasko nagbugtak na an ahensiya nin mga signage sa mismong lugar asin sa mga kataid kaini komo patanid sa mga motorista na magporbar na mag untok digde, tangani na magkua nin selfie, video, o maggibo nin vlog.
Enot nang ipinaliwanag kan DPWH na an nasambitan ng lakdang an tangani mapugulan an labi na traffic sa nasambitan ng lugar, kasunod kan pagkukumpulan kan mga lunadan sa kalabaan kan nasambitan ng tinampo.
Sigun sa ahensiya, an bagong regulasyon an tangani maprotehiran an kapakanan kan publiko, mga motorista, asin mga bibisita sa Baguio asin pang kataid na lugar.
Mientrastanto, sa ibong kan mga ibinugtak na signages may nagkapira pa man soboot nagpupumirit na magpundo sa lugar kaya man nagdeploy na an pulisya nin regular patrolers tangani na mabantayan an lugar.
Pangenot na nagbabantay digde an mga pulis gikan sa Tuba Police Station. Kun babalikan an naenot na testimoniya kan driver ni Cabral na si Ricardo Hernandez, antes an pagkagadan kan dating undersecretary enot sindang sinita kan mga pulis makalihis paramientras na mag untok sa nasambitan ng lugar.
Nag-alok pa soboot an mga pulis na alalayan sinda gikan sa nasambitan ng lugar pasiring sa mas salbado na lugar.
