Target kan pamayuhan kan Department of Social Welfare and Development (DSWD) na mapaabot ini nin tabang sa sarong sampaguita vendor na pinag-uulayan online.
Nag-ani nin manlaen-laen na reaksiyon an sarong paratienda kan sampaguita sa luwas kan sarong establisyemento kun saen an pigraot kan sarong security guard an saiyang paninda.
Sigun sa ahenya, pighahanap na kaini an babae asin lalaking paratienda na kaibahan sa video.
Kaibahan sa itatao kan DSWD an psychosocial support asin iba pang assistance.
Obheto kaini na dae na magbweltada an nasambitan ng mga kaaki sa tinampo tanganing magpabakal nin sampaguita.
Plano man kaini na makipag-meeting sa pamayuhan kan sarong mall asin pwedeng pag-ulayan an kaukulang pagsasanay sa saindang mga personahe.
Pighali na man kan nasambitan ng mall an gwardiya asin maduon na pigkondenar an insidente.
