NAGA CITY- Gadan an duwang persona makalihis na makasalpok sa puon nin sampaloc na yaon sa gilid kan tinampo sa Bula, Camarines Sur.
Sa nagunong impormasyon kan Bombo Radyo Naga napag araman na binabagtas kan motorsiklong minamaneho ni Dominick Guarnes, 17 anyos an kalabaan kan tinampo sa nasambitan ng lugar kaibahan an backrider kaini na si Christian Lomeda, 24 anyos kan bigla ining mawaran nin kontrol sa nasambitan ng motorsiklo na naging rason kan pagbudal kaini sa puon kan sampaloc.
Huli sa kusog kan pagkakabangga nagsapo nin malalang lugad sa manlaenlaeng parte kan saindang lawas an mga biktima na tulos man idinalagan sa ospital alagad ideneklarar na ining dead on arrival kan mga doktor.
Sa ngunian, nagpapadagos pa man an imbestigasyon kan mga otoridad manungod sa nasambitan ng pangyayari.
