Nangibabaw si Pinoy pole vaulter EJ Obiena sa Metz Moselle Athletor sa France. Ini an enot na gold medal na nakua ni Obiena sa paglaog kan 2025.
An nasambitan ng trayumpo an sarong semana makalihis na makasungkit ini nin silver medal sa Jump Meeting Cottbus 2025 sa Germany.
Nakua ni Obiena an 5.70 meters clearance laban sa pitong iba pa. Pigporbaran kan World number 4 an 5.85meters jump alagad dae na ini nagtrayumpo sa gabos na nagin attempts.
An saiyang 5.70 meters an maikokonsiderar kaining season-best tangani masungkit an enot na gintong medalya kan taon.
Nagtabla man an Dutch pole vaulter na si Menno Vloon alagad nabigo ini sa pigkundisir na tie breaker kaya nag panduwa na sana ini.
Nasa pantulong puwesto naman sa nasambitan ng torneo si Christopher Nilsen kan USA na nakapag-clear kan 5.60 meters.
Tulos man ining masabak ngunyan sa ISTAF Indoor sa Berlin ngunyan na aldaw na Lunes.
Marurumdumang pirang bulan nagpahingalo si Obiena pagkatapos kan Paris Olympics huli man sa injury sa likod.
