Para ki dating Sen. Bongbong Marcos dae pa maimimirar na trayumpo kan kampo ni Vice Pres. Leni Robredo an pagtatapos kan ballot recount sa saiyang electoral protest katakod kan 2016 national elections.
“We are appalled by the brazenness of Mrs. Robredo in claiming victory in my still ongoing election protest just as the tribunal announced that no action has been taken by the court on the Caguioa report,” sigon ki Marcos.
Sigon sa nadaog na vice presidential candidate, malinaw na pinurbaran na manipulahon kan kampo ni Robredo an trabaho kan Presidential Electorial Tribunal (PET).
“Clearly, there has been a concerted effort to intimidate and coerce the Tribunal with their underhanded mind conditioning tactics,” dagdag kan dating senador.
Kan Martes kan inanunsyo ni Supreme Court spokesperson Brian Hosaka na tinapos na ni Associate Justice Alfredo Benjamin Caguioa an bilangan sa balota kan 5,415 polling precincts kan mga probinsya na pinili ni Marcos.
Kabale digdi an Iloilo, Negros Oriental asin Camarines Sur.
“We assure the Tribunal of our commitment to abide by the subjudice rule.”
Basado sa resultang pigluwas kan Commission on Elections kan 2016, nagluwas na lamang nin labi sa 260,000 na boto si Robredo ki Marcos.
