NAGA CITY- Pig-enkaminar kan Environmental Management Bureau sa Bicol Region (EMB-5) an local government units (LGU) na siertuhon an striktong implementasyon kan solid waste management, partikularment sa barangay o municipalidad.
Sigun ki, EMB-5 Regional Director Maria Socorro Abu an pagsierto kan epektibong implementasyon an responsabilidad kan orog na ta an waste management an nagpupuon sa mga kaharongan na kaipuhan tutukan kan barangays.
Pigtawan duon kan opisyal na enkaso dae ma-segregate nin tama an mga ati sa mga kaharongan sa barangay level ini an mapupuli sa dakulang problema.
An Environmental Management Bureau an matao nin technical assistance asin training bako sana para sa mga LGUs kundi sa mga partner agencies, government offices, non-governmental organizations, asin iba pang stakeholders.
An 10-year plan an sarong key requirement para sa mga LGUs na nag-aaplay sa Department of the Interior and Local Government’s Seal of Good Local Governance (SGLG).
Pigsaysay kan opisyal na sa nasa 120 LGUs sa Rehiyon 87 percent an nakatipon naman nin 10-Year Solid Waste Management Plan.
Mientrastanto, kasabay man kaini, pig-ako man ni Abu an mga challenges na LGUs, partikularment an pag-secure kan sanitary landfills.
Sa ngunyan, piglalaoman na sa taong 2025, maabot an full compliance.
An probinsiya kan Albay asin Camarines Norte, kaibahan an ibang mga munisipalidad asi siyudad an kumpleto na.
Mantang an Sorsogon asin Camarines Sur an madali naman na makakumpleto.
An gabos na probinsiya sa Rehiyong Bicol an nakapag-adapatar na nin 10-Year Plan asin padagos an paglalapigot tanganing maibusol ini.
