Pigkumpirmar ni Executive Secretary Lucas Bersamin na mayo pang “warrant of arrest” na pigluwas an international criminal court kontra sa mga co-accsused ni dating Presidente Rodrigo Duterte sa kasong crime against humanity.
Sa sarong entrevista ki ES Bersamin saiyang sinaysay na hasta sa ngunyan mayo sindang naresebir na warrant of arrest gikan sa ICC na pig-agi sa Interpol.
Pinahimutikan man ni Bersamin na igwang ining sinaysay na may warrant of arrest na kontra sa iba pang akusado siring ni Senator Bato Dela Rosa asin iba pa.
Siring man pighayag ni Bersamin enkaso igwang warrant of arrest an ICC, kapareho soboot na proseso an ipapautob kan gobyerno sa ginibong pag-arestar ki dating Presidente Rodrigo Duterte.
Pigtawan-duon ni Bersamin na igwang ley na pigpasar kan kongreso na nagtutugot sa gobyerno na isuko an akusado na nahahampang sa kasong crimes against humanity asin human rights o sunudon an extradition proceedings.
Liwat na pigtawan-duon ni Bersamin na an desiyon kaidto ni Presidente Marcos na isuko si dating Presidente Duterte an better option.
