Dae soboot matugot si Senate President Francis “Chiz” Escudero na laugon kan mga otoridad an Senado tangani sana arestaron si Senador Ronald “Bato” Dela Rosa.
Ini an enkaso maghagad nin proteksyon asin matinir sa Senado si dela Rosa enkaso man mag-isyu an International Criminal Court (ICC) nin arrest warrant kontra sa saiya.
Si Dela Rosa an mayor na nagpautob nin madugong war on drugs kan nakalihis na administrasyon ni dating Presidente Rodrigo Duterte.
Pigsaysay ni Escudero, na basado sa rules asin practice, dae tutugutan kan Senado na maarestar an siisay man na miyembro kaini sa laog kan institusyon igwa man nin sesyon o mayo ankongreso.
Ini soboot an dae basado sa ley sa pig aapod na “institutional courtesy” kun saen nagin tradisyon na kan Senado asin man parte ini kan saindang rules na haloy na man na pigsusunod.
Sinabi man kan senador na dawa an Interpol na umarestar ki Duterte ay dae matugot na arestaron basta si Dela Rosa sa laog kan Senado dawa pa igwa nin isirbi na warrant of arrest.
Bagaman sinabi kan liderato kan senado na dae habang panahon na aatamon ini man halangkaw na kapulungan kan kongreso, alagad tatawan man nin bastanteng panahon si Dela Rosa na makua an gabos nin legal remedies hasta sa magkaigwa ini nin linaw o pagtutugot.
Kun marurumduman sinabi ni Dela Rosa na mahagad ini nin proteksyon ki Escudero na dae na muna ini isuko sa mga otoridad enkaso isirbi sa saiya an warrant of arrest basado sa kahagadan kan International Criminal Court.
Kinumpirmar ni Escudero na nakaulay na kaini si Dela Rosa asin soboot dae kaini pupugulan an senador kun mamawoton kaini na mag hagad tabang sa Senado.
