Nadukayang mayo ng buhay an dating miyembro kan grupong One Direction na si Liam Payne.
Sigun sa mga otoridad na nahulog soboot an 31-anyos na singer sa saiyang hotel na pigdadagusan sa Buenos Aires.
Nahiling kan mga tawo sa nasambitan ng lugar na nahulog gikan sa ika-tolong palapag kan saiyang pigdadagusang kwarto sa CasaSur Palermo Hotel si Liam.
Nasa Argentina an singer para sa Niall Horan concert ngunyan na bulan kun saen nakatalaan kuta na magkaigwa nin reunion sa nasambitan ng show.
Nasa edad na 16 pa sana si Liam kan nagin miyembro sa One Direction.
Nagsikat an grupo kan nakalihis na taong-2010 huli sa pagbali sa “The X-Factor” hasta sinda magsuruhayan kan nakalihis na taong-2015.
Taong 2021 kan pigbuyagyag ni Liam na nagkakaigwa ini nin addiction sa pag-inom asin droga kun sain pirang beses na man ini na nagpurbar maghugot.
Sa presente, padagos na pig-aaram kan mga otoridad sa Argentina kun aksidente o pigtuyo an pagkahulog kan singer.
