Pigbuyagyag ni dating Senator Leila de Lima na nasa protective custody na ngunyan kan International Criminal Court (ICC) si self-confessed Davao Death Squad (DDS) hitman Edgar Matobato.
Segun sa dating Senadora, naghali nin nasyon si Matobato kan ikaduwang kwarter kan 2024 huli sa pigprobaran kan ICC prosecutor na ma-access ini para sa nagpapadagos na imbestigasyon sa war on drugs kan nakalihis na administrasyon sa irarom ni dating Presidente Rodrigo Duterte asin man an mga paggadan soboot kan kontrobersiyal na DDS.
Kan enot soboot dae plano kan ICC na i-access si Matobato alagad tulos ay ginibo man giraray kan international court rason kaya kinakaipuhan soboot ni Matobato na maghali nin nasyon para mas magin marikas para sa ICC na ma-access ini.
Kaya man siring soboot kan self-confessed member asin man hitman kan DDS na si Arturo Lascañas, nasa protective custody na man kan international court si Matobato sa sarong dae pinangaranan na lugar.
Alagad dae naman aram ni De Lima kun natawan si Matobato kan limitadong immunity gikan sa ICC prosecution siring ni Lascañas.
Inihayag man ni De Lima na naresiber na soboot kan ICC an mga testimoniya ninda Matobato asin Lascañas. Kun marururmduman, si De Lima na dating justice secretary asin chair kan Commission on Human Rights, an enot nagpresenta ki Matobato komo testigo laban ki dating Presidente Duterte sa imbestigasyon kan Senado kan bulan nin September taong 2016.
Kun saen isiniwalat ni Matobato an soboot mga aktibidad kan DDS sa Davao region asin an pagkakaparehas kaini sa mga paggadan sa irarom kan Duterte drug war.
Mantang si Lascañas man, bagaman inisyal ining pigpahimutikan an mga alegasyon ni Matobato, ay nag-recant man ini asin pigkumpirmar an mga pigbuyagyag ni Matobato sa imbestigasyon kan Senado.
Naenot naman na pinahimutikan kan Duterte administration an nasmabitan ng mga alegasyon asin tinukoy an mga labot sa testimoniya ninda Matobato asin Lascañas.
Mientrastantro, sa palace briefing kan suudma, sinabi ni Executive Secretary Lucas Bersamin na mayong aram an Malacañang sa naireport na nakahali na nin nasyon si Matobato gamit an pekeng identity asin travel documents.
Saysay pa kan opisyal na anuman an obheto ni Matobato sa pagluwas kaini sa bansa, dae na ninda ini kontrolado asin man kun mawot soboot ni Matobato na tumestigo sa ibang forum, lagpas na soboot ini sa saindang kontrol.
