Naglangkaw an farmgate price kan paroy kan nakalihis na bulan nin Enero 2026, basado sa report kan Philippine Statistics Authority (PSA).
Nagluluwas sa monitoring kan nasambitan ng ahensiya na nag-aabot na sa P20.10 an kada kilong presyo kan paroy sa nakalihis na bulan, labi duwang pisong mas halangkaw kumparar sa P18.01 na presyuhan kan nakalihis na bulan nin Disyembre.
Siring man, bahagyang mas hababa pa man an nasambitan ng presyo kumparar sa farmgate price kan nakalihis na Enero 2025.
Bahagya man na naglangkaw an presyo kan regular milled rice kan nakalihis na enot na parte kan Pebrero kumparar kan nakalihis na bulan nin Enero.
Basado pa man sa datos kan PSA, naglangkaw nin 4.1% an presyo gikan sa dating P43.76 kada kilo pasiring sa presenteng P45.54 an kada kilo.
Alagad kun ikukumparar sa kaparehong bulan kan nakalihis na taon, mas hababa an average price ngunyan na taon huli man ta nag-aabot kaidto sa P47.77 an kada kilong presyo kan regular milled rice.
Ini an labi duwang pisosng mas halangkaw kumparar sa presenteng presyo.
