Pigpuonan na ni Filipino-British Jake Jarman an saiyang ensayo tanganing mahasa an mga routines kaini.
Marurumduman, naipuli si Jarman an bronze medal sa 2024 Paris Olympics men’s floor exercise na pinapangenotan ni Yulo. Kaya man mawot ni Jarman na amay na magpuon sa preparasyon tanganing magin pulido an performance kaini antes mag-abot an 2028 Games.
Sa saiyang post sa social media, ipinahiling ni Jarman an training kaini kabali na an saiyang mga ginigibo para sa floor exercise.
Nagbugtak ini nin aption na ready for the next Olympics. Saro sa pighahasa ni Jarman an perpektong landing.
Marurumduman, target kuta ni Gymnastics Association of the Philippines (GAP) president Cynthia Carrion na makua si Jarman tanganing magin parte ini kan men’s national team para sa 2028 LA Olympics.
Alagad, piglinaw man ni Jarman sa sarong entervista na malabo pa ining mautob sa LA Olympics huli ta an Great Britain pa man an irerepresenta kaini.
